மலேசிய சிங்கப்பூர் தமிழ் இலக்கிய உறவுப்பால இரண்டாம் மாநாடு: 2013

அன்புடையீர் வணக்கம்.

கடந்த 2011-ஆம் ஆண்டு, மலேசிய சிங்கப்பூர் தமிழ் இலக்கிய உறவுப்பால முதலாம் மாநாடு , ஜொகூர் மாநிலத் தமிழர் சங்க ஏற்பாட்டில் சிங்கப்பூர்த் தமிழர் இயக்கங்களுடன் இணைந்து ஜொகூர் மாநில டெசாரு கடற்கரை தங்கு விடுதியில் வெகு சிறப்பாக நடந்தேறியது.

     இவ்வாண்டு 06.04.2013-இல் சிங்கப்பூரில் உமறுப்புலவர் தமிழ் நிலையத்தில் ஒருநாள் மாநாடாக நடைபெறவிருக்கிறது என்பதை அறிவிப்பதில் மகிழ்ச்சி அடைகிறோம். சிங்கை தமிழ் இயக்கங்களும் ஆலயங்களும் ஒன்றிணைந்து சிங்கப்பூர் அரசாங்கத்தால் அங்கீகரிக்கப்பட்ட ‘தமிழ் மொழி மாத விழா’ நிகழ்வுகளில் ஒன்றாக மலேசிய சிங்கப்பூர் தமிழ் இலக்கிய உறவுப்பால இரண்டாம் மாநாடு அரங்கேறவுள்ளது என்பது கூடுதல் மகிழ்ச்சியளிக்கும் செய்தியாகும்.

     ஈராண்டுக்கு ஒருமுறை நடைபெறும் இம்மாநாடு, இவ்வாண்டு இளையோர், பெரியோர் என இருபிரிவினர்க்கு ஏற்புடைய தலைப்புகளை மலேசியா சிங்கப்பூர் இணை ஏற்பாட்டுக்குழுவினர் தேர்வு செய்துள்ளனர். இளையோருக்கான தலைப்பு ‘ வாழும் தமிழ் அதனை வாழவைக்கும் அடுத்த தலைமுறை’ என்பதாகும். இத்தலைப்பில் மலேசிய நோக்கு, சிங்கப்பூர் நோக்கு என இரு நாடுகளைப் பிரதிநிதித்து இளையோர் இருவர் கட்டுரை படைப்பர். அதே போன்று பெரியோர்களுக்கான ‘ இலக்கியம் காட்டும் பொருளாதாரமும் அதன் சமகாலத்தின் பயன்பாடும்’ எனும் தலைப்பில் இருவர் தத்தம் நாடுகளைப் பிரதிநிதித்து கட்டுரை படைப்பர்.

     இம்மாநாட்டில் கலந்து கொள்ள தமிழ் ஆர்வலர்கள், தமிழாசிரியர்கள், உயர்கல்வி மாணவர்கள், பயிற்சி ஆசிரியர்கள், இலக்கியவாதிகள் என அனைவரையும் அன்புடன் அழைக்கின்றோம். இம்மாநாட்டில் மலேசியப் பேராளராகக் கலந்து கொள்ள தனிநபர் ஒருவர், மாநாட்டுப்பதிவுக் கட்டணம், போக்குவரத்து உட்பட ரி.ம 80.00 செலுத்த வேண்டும்.

ஜொகூர் பாருவிலிருந்து பேருந்து 06.04.2013 ( சனிக்கிழமை ) காலை 6.00க்குப் புறப்படும். ஒருநாள் நிகழ்வாக நடைபெறும் இம்மாநாட்டில் உணவும் வழங்கப்படும். இரவு விருந்துபசரிப்புக்குப் பிறகு பேருந்து இரவு சுமார் 10.00 மணி அளவில் ஜொகூர் பாரு வாந்தடையும்.

     முக்கியக்குறிப்பு:  இம்மாநாட்டில் கலந்து கொள்ள தற்போது 50 பேராளர்களுக்கு மட்டுமே வாய்ப்பிருப்பதால் ஆர்வமுள்ளவர்கள் பேராளர் கட்டணத்துடன் முன்பதிவு செய்ய அன்புடன் விழைக்கிறோம். முன்பதிவு செய்து கட்டணம் செலுத்தியவர் மட்டுமே மாநாட்டில் கலந்து கொள்ள முடியும். எனவே, விரைவாகப் பதியவும்.

     மேல்விவரங்களுக்கு பின்வரும் மலேசிய இணை ஏற்பாடுக் குழுவினருடன் தொடர்பு கொள்ளவும்.

1.   தலைவர், திரு ந.வேணுகோபால் ( 016-7333720 ), செயலாளர், திரு.இல.வாசுதேவன் ( 019-7211065 ), செ.உறுப்பினர், திரு.சு.இரவிச்சந்திரன் ( 013-7689379 )

2வது மலேசிய சிங்கப்பூர் தமிழ் இலக்கிய உறவுப்பாலம்: மாநாடு இவ்வாண்டு சிங்கையில் ஏற்பாடாகி வருகிறது.
மேல்விவரங்கள்:

நாள்: 06.04.2013

இடம்: உமறுப்புலவர் தமிழ் மொழி நிலையம், சிங்கப்பூர்

"ஆற்றுப்படை இலக்கியம்": நூல் வெளியீடு

பத்துமலை முருகப் பெருமானின் பெருமை சொல்லும் மலேசிய மண்ணில் விளைந்த முதல் "ஆற்றுப்படை இலக்கியம்": நூல் வெளியீடு.

ஏற்பாடு: ஜொகூர் மாநிலத் தமிழர் சங்கம் & மலேசிய சிங்கப்பூர் தமிழிலக்கிய உறவுப்பால செயலவைக் குழுவினர்

நாள் : 05.02.2012 (ஞாயிற்றுக்கிழமை)

நேரம்: பிற்பகல் 3.00 மணிக்கு

இடம்: அருள்மிகு இராஜமாரியம்மன் தேவஸ்தான திருமண மண்டபம், ஜொகூர் பாரு.

ஆற்றுப்படை நூல் விரைவில் வெளியீடு!

பத்துமலைத் தலம் கொண்டுள்ள முருகப் பெருமானுக்கு மலேசியக் கவிஞர் இயற்றி முதன்முதலாக வெளிவரும் ஓர் ஆற்றுப்படை நூல்.
 
விரைவில் வெளியீடு!

பேராளர்கள் அனைவரும் கவனத்தில் கொள்ள வேண்டியவை:

மலேசிய சிங்கப்பூர் தமிழிலக்கிய மாநாடு 2011

Ruj.Kami: JTS/SMPM-S/11(05)
30 ஜனவரி 2011

பேராளர்கள் அனைவருக்கும்,

வணக்கம்.
மலேசிய சிங்கப்பூர் தமிழிலக்கிய மாநாடு 2011 மாநாட்டில் பேராளாராகப் பதிந்து கொண்டுள்ள தங்களுக்கு வாழ்த்துகளைத் தெரிவித்துக்கொள்கிறோம்.

மாநாட்டைப் பற்றிய விவரங்கள்:
அ.    நாள்:    26.2.2011 முதல் 27.2.2011 வரை ( சனி  ‍- ஞாயிறு )
    இடம்:  லோட்டஸ், டெசாரு கடற்கரை தங்கும் விடுதி
    ( Lotus Desaru Beach Resort, Desaru, Johor )
    இணையòதளம்: http://tamil-ilakkiyakuudal.blogspot.com
    மின்னஞ்சல் முகவரி : : ms_tamilliterary@hotmail.com

ஆ.    பேராளர் பதிவு  &  மதிய உணவு    

          நாள்:    26.2.2011 சனிக்கிழமை
          நேரம்: 11.00 - 12.30 நண்பகல்
           இடம்: பிரதான மண்டபம், லோட்டஸ், டெசாரு கடற்கரை தங்கும் விடுதி

26.2.2011 சனிக்கிழமை, பிற்பகல்: 2.30க்கு மாநாட்டுத் திறப்புவிழா நடைபெறுவதால் கடைசி நேர பதிவைத் தவிர்க்கும்படிக் கேட்டுக்கொள்கிறோம்.

இ.    பேராளர்களுக்கு வழங்கப்படும் வசதிகள்:

-இருவர், நால்வர், அறுவர்  தங்கும் வசதிகொண்ட அறைகள்
-காலை உணவு, காலைத்  தேநீர், மதிய உணவு, மாலைத்  தேநீர், இரவு உணவு
-விழா மலர்,அடையாள அட்டை, மாநாட்டுப் பை, ஆவணங்கள்

ஈ.    பதிவுக்கட்டணம்
பதிவுக்கட்டணம் முன் கூட்டியே செலுத்தப்பட்டிருக்கவேண்டும். பதிவின்போது பதிவுக்கட்டணம் ஏற்றுக்கொள்ளப்படமாட்டாது.
பதிவின்போது கட்டணம் கட்டப்பட்டதற்கான இரசீதை அவசியம் காட்டவேண்டும்.

உ.    சிறப்பு விருந்து
பேராளர்களுக்கான இன்னிசையுடன் கூடிய சிறப்பு விருந்து 26.02.2011-ஆம் நாள் இரவு 7.30 மணிக்கு விடுதி மண்டபத்தில் ஏற்பாடுசெய்யப்பட்டுள்ளது. இவ்விருந்தில் கலந்துகொள்ள எல்லாப் பேராளர்களும் அன்புடன் அழைக்கப்படுகின்றனர்.


ஊ.    நிறைவு விழா

27.02.2011-ஆம் நாள் பிற்பகல் 4.00 மணிக்கு விடுதி மண்டபத்தில் மாநாட்டின் நிறைவு விழா நடைபெறும். விடுதி நிர்வாகத்தோடு செய்துகொண்ட ஒப்பந்தப்படி நண்பகல் 12.00-க்கு அனைத்துப் பேராளர்களும் சிறப்பு அழைப்பாளர்களும் விடுதி அறைகளைக் காலி செய்துவிடவேண்டும்.
   
மேல் விவரங்களுக்கு மாநாட்டுî செயலகத்துடன் தொடர்பு கொள்ளும்படிக் கேட்டுக் கொள்கிறோம்.

மாநாட்டில் பங்குகொள்ள உங்களை அன்புடன் வரவேற்கிறோம்.
    அன்புடன்,

 ( தமிழ்மணி )
    செயலாளர்,
மலேசிய சிங்கப்பூர் தமிழிலக்கிய மாநாடு 2011

பி.கு: தொடர்பு கொள்ள வேண்டிய தொலைபேசி எண்கள்:

திரு.ந.வேணுகோபால்: 016-7333720

திரு.இரா.தமிழ்மணி :012-7814019
திரு. சு.இரவிச்சந்திரன்: 013-7689379

பேராளர்கள் அனைவரையும் அன்புடன் வரவேற்கிறோம்!

வெளியூர் பேராளர்களுக்கு....

அனைவருக்கும் கனிந்த வணக்கம்,

மலேசிய சிங்கப்பூர் தமிழிலக்கிய உறவுப்பாலம்: மாநாடு 2011, மிகச் சிறப்பான ஏற்பாடுகளோடு தயாராகி வருகிறது என்பதை மகிழ்ச்சியோடு தெரிவித்துக்கொள்றோம். இது வரை 75 சதவீத முன்னேற்பாடுகள் செய்யப்பட்டுவிட்டன.

அன்பார்ந்த பேராளர்களே,

வெளியூர் பேராளர்களுக்கு முக்கிய அறிவிப்பு யாதெனில், உங்களுடைய வருகையை தொலைபேசி வாயிலாகவோ, மின்னஞ்சல் வழியாகவோ எதிர்வரும் 15.02.2011க்குள் மறுவுறுதிப்படுத்திக் கொள்ளவும்.

தங்கள் போக்குவரத்து வசதிக்காக ஜோகூர் பாரு லார்க்கின் பேருந்து நிலையத்திலிருந்தும், ஜோகூர் பாரு இராஜ மாரியம்மன் கோவிலிலிருந்தும் சிறப்புப் பேருந்துகள் டெசாருவிற்கு புறப்பட ஏற்பாடு செய்யப்பட்டுள்ளது.
இவ்விரு இடங்களிலிருந்தும் காலை 9.30 மணிக்கு புறப்படவுள்ளன.

இதனையொட்டிய மேல்விவரங்கள் உங்களுக்கு விரைவில் கடிதம் மூலமாகவோ அல்லது மின்னஞ்சல் வழியோ தகவல் அனுப்பிவைக்கப்படும்.

மாநாட்டுப் பேராளர்கள் பின்வருபவனவற்றை மறவாமல் உடன் கொண்டுவரவும்:

1. அடையாள அட்டை
2. வங்கிமூலம் கட்டணப்பதிவுக்கான அடையாளப் பற்றுச்சீட்டு
3. மாநாட்டுக் கட்டண இரசீது
4. ஒளிப்படம் (புகைப்படம்) (மின்னஞ்சல் வழி அனுப்பாதவர்கள்)
   விரைவில் அனுப்பவும்.


பேராளர்கள் அனைவரையும் வாழ்த்தி வரவேற்கிறோம்.

நன்றி.


ஏற்பாட்டுக்குழுவினர்.